Multimedia
umumta'lim dasturlarini
rivojlantirish markazi
 Uzb     Rus     Eng   
 
 
Masofaviy ta'lim
O'qishga arziydi

  Yangiliklar
Boshlang'ich ta'lim samaradorligi
Xalq ta'limi vazirligi tomonidan “Boshlang'ich ta'limni modernizatsiyalash orqali o'quv-tarbiya jarayoni sifati va samaradorligini oshirish” mavzusida boshlang'ich ta'lim o'qituvchilarining forumi tashkil etildi.
Xalq ta'limi vazirligi Oliy va o'rta maxsus ta'lim vazirligi bilan hamkorlikda ilk marotaba tashkil etilgan mazkur forumda boshlang'ich ta'lim yo'nalishida, jumladan, chet tillarni o'rganish tizimida olib borilayotgan ishlarni sifat va samaradorligini oshirish, tizimga zamonaviy pedagogik va axborot-kommunikasiya texnologiyalarini keng tatbiq etish, o'qituvchilarning ijodkorligi va kasbiy mahoratlarini takomillashtirish, ilg'or ish tajribalarini ommalashtirish kabi dolzarb mavzularda muhokamalar bo'lib o'tdi.

Batafsil..  


Eng yaxshi elektron axborot-ta'lim resurslari aniqlandi
    Xalq ta'limi vazirligi tomonidan “Eng yaxshi elektron axborot-ta'lim resurslari” ko'rik-tanlovi o'tkazildi.
   Mazkur ko'rik-tanlovni o'tkazishdan ko'zlangan maqsad ta'lim-tarbiya jarayonida zamonaviy axborot-kommunikatsiya va pedagogik texnologiyalarni samarali qo'llayotgan o'qituvchilarning ijodiy faoliyatini oshirish hamda o'quvchilar orasida dasturlash yo'nalishi bo'yicha eng iqtidorlilarini aniqlash hamda ularni qo'llab-quvatlash, ularning ijodiy izlanishlarini rivojlantirishdan iborat. Ko'rik-tanlovning asosiy vazifalari o'qituvchi va o'quvchilarning axborot-kommunikatsiya texnologiyalaridan ta'lim-tarbiya jarayonida samarali foydalanishini va kompyuter imkoniyatlaridan samarali foydalanib o'quvchilarni dasturchi kasbiga qiziqtirishdir.

Batafsil..  


Zamonaviy axborot texnologiyalar ta'lim sifatini oshiradi

    O‘zbekiston Respublikasi Xalq ta'limi vazirligi va Navoiy viloyat xalq ta'limi xodimlarini qayta tayyorlash va ularning malakasini oshirish instituti hamkorligida 2016 yil 28 aprel kuni O‘zbekiston Respublikasi Vazirlar Mahkamasining 2016 yil 20 yanvardagi 33-F-sonli Farmoyishi bilan tasdiqlangan “O‘zbekiston Respublikasida 2016 yilda xalqaro va respublika miqyosida o‘tkaziladigan ilmiy va ilmiy-texnikaviy konferensiyalar rejasi”ga muvofiq Mustaqilligimizning 25 yilligiga bag‘ishlab “Umumta'lim maktablari ta'lim jarayonida axborot-kommunikatsiya texnologiyalaridan foydalanishning dolzarb muammolari va yechimlari” mavzusidagi respublika ilmiy-amaliy konferensiyasi o‘tkazildi.


Batafsil..  


Markaz faoliyati haqida
   O‘zbekiston Respublikasi Xalq ta’limi vazirligi huzuridagi Multimedia umumta’lim dasturlarini rivojlantirish markazining multimedia studiyasida zoologiya fanidan «Kapalaklarning turlari» mavzusida videodars yozib olinmoqda. O‘n besh daqiqa davom etadigan ushbu darsni Toshkent viloyatidagi 18-umumta’lim maktabining biologiya fani o‘qituvchisi Ma’ruf Haqnazarov o‘tayotir.
    Bu va boshqa fanlar, mavzularga oid videodarslarni vazirlik www.eduportal.uz axborot-ta’lim portalining «Elektron kutubxona» bo‘limidan olib foydalanish mumkin. Shu bilan birga ular markazning 16 laboratoriya maktabiga tajriba-sinov uchun yuboriladi. Sinovdan o‘tgach, elektron manbalar barcha umumta’lim maktablariga yetkaziladi. 


Batafsil..  


Xalq ta'limi tizimidagi eng yaxshi veb-sayt 2016 korik-tanlovi boshlandi

   Xalq ta'limi vazirining 2016 yil 23 martdagi 76-sonli buyrug‘iga asosan “Xalq ta'limi tizimidagi eng yaxshi veb-sayt – 2016” ko‘rik-tanlovi boshlandi.  Ko‘rik-tanlovda qatnashish uchun talabnomalar 2016 yilning 23 martdan 12 apreliga qadar tanlov.uzedu.uz sayti orqali qabul qilinadi va ro‘yxatga olinadi.


Batafsil..  


Dars ishlanmalarni baholash ishlari davom etmoqda
   O‘zbekiston Respublikasi Xalq ta'limi vazirining 2015 yil 30 dekabrdagi “Xalq ta'limi tizimidagi ta'lim muassasalari o‘qituvchilari o‘rtasida eng yaxshi dars ishlanmasi – 2016” ko‘rik-tanlovini tashkil etish to‘g‘risida”gi 343-sonli buyrug‘iga binoan o‘tkazilayotgan ko‘rik-tanlovga ishtirok etish uchun yuborilgan dars ishlanmalarni baholash ishlari davom etmoqda.
   Tanlovga kelib tushgan dars ishlanmalar Qoraqalpog‘iston Respublikasi xalq ta'limi vazirligi, Toshkent shahar va viloyatlar xalq ta'limi boshqarmalari vakillari tomonidan baholanmoqda.

Batafsil..  


Respublika oquv-seminar
   Xalq ta'limi vazirligi tomonidan joriy yilning 29-fevral – 1-mart kunlari A.Avloniy nomidagi xalq ta'limi xodimlarini qayta tayyorlash va ularning malakasini oshirish Markaziy institutida tizimdagi ma'naviy-ma'rifiy ishlarga mas'ul xodimlar uchun Respublika o‘quv-seminari o‘tkazildi. Tadbirda hududiy xalq ta'limi boshqarmalarining ma'naviy-ma'rifiy ishlar bo‘yicha rahbar o‘rinbosarlari hamda barcha tuman (shahar) xalq ta'limi muassasalari faoliyatini metodik ta'minlash va tashkil etish bo‘limlari ta'lim muassasalari faoliyatini tashkil etish va o‘quvchilarni ma'naviy-axloqiy tarbiyalash sho‘basi mudirlari ishtirok etdi.

Batafsil..  



Maqolalar arxivi  Maqolalar arxivi

Dolzarb
Hamkorlar
Mashhur maqolalar



  © Copyright 2016 O'zR XTV huzuridagi MUDRM      www.gov.uz    www.uz    www.aci.uz    www.eduportal.uz    www.uzedu.uz    Vulnerability Scanner